කනස්සල්ලයේ නිසඳැස් ලියා
කෙලෙවරක රතු ගිනිසිළු දරාගෙන
මගේ සිත සනසනු පතා
සුවිසල් හිස් නිල් අහස් ගැබ පුරා
මගේ රතු තෙත් නෙතු වසා
දෙතොල් අතරින් නැගෙයි දුම් රැලි
පසුතැවෙන මූසල සිතුවිලි බදා
...
මතකෙට නැගෙයි මගේ එකවර
පුංචි කාලේ මම ඔය ගිනි දැල්ලටම
බය උන තරම්
දුටුවේ අපායේ රුදුරු බව,
ඒ රතුවන් ගිනි දළු තුලින්
ඒත් අද මා ඒ දරුණු යැයි සිතූ ගිනි සිළුම,
දුම් මුදාලයි මගේ වියැලුනු මුවින්
...
වියෝ වූ දුම් වැල් අහස බොඳ කර
පාලු හිස් අවකාශය පුරාවට,
මවයි සුර ලොවක හැඩ රටා
...
සාන්කාව, කනස්සල්ල, විශාදය හැරුණු කොට
නැගෙන දුම් වළලු ඇත මගේ දුක බෙදා ගැනුමට
දකින විට අනන්තය
නැගෙන දුම් කඳු වලල්ලෙන් එතෙර
දැවෙයි දෙනෙතම
කඳුලු වෙයි බර
මතක් වී මම ඒ මැවූ සිහිනය, ******** වන්නට
අනේ දැන් පරක්කුයි
අසමි මම මගෙන්ම
ආවේ උඔ මෙහේ පක් ගහන්නද?
වැඩක් නෑ දැන් ** ඉරී ඇත
කාලේ හරි දැන් අතැර යන්නට
...
******ද?, ජීවිතයද තීරණය කරපන්
දැන් ගොඩක් නාකියි උඔ
මතක් වෙයි එතකොටම මට
දැන් **** නෑ පේන තෙක් මානෙක
කණට ගසයි මට එවිට realityය
කටු ඉඹුල් පිරි ලෝ දියෙන් සැදු
ගිනියම් වන් වූ හස්තයක් බඳු
යථාර්තය මාව කොලරයෙන් උස්සා
පොළොවේ ගසා, දෙපයින්ම පාගා,
අඩ් 6ක් ගැඹුරැති වලක අඩියේ අතුරා
මගේ සිත කය දෙකම වනසා
කෙල ගසා, පස් දමයි මා වසා
...
රත් වර්ණ වූ කඳුලැලි වලින්
රතු පාට වූ දෙනෙතම මගේ
කෝපයෙන් සිත කෑ ගසයි
හඬමින් වැටෙයි දෙදරයි භවේ
අඟල් දෙක තුනක සිගරට් එකක් මත
ජීවිතයේ මුල මැද අග සොයමින්
යනෙන මං නැතුව
සිතීමටවත් ඉසව්වක් නැතිව
අසරණ වූ මමත්
මා මරණ, මට සරණ වන
දෙතොලතර නිමාවක් නැතිව
දැල්වෙනා
සිගරට් එකත්
ඈත ක්සිතිජය දෙස බලාගත් වනම මම
බලා සිටිනෙමි සිතමින් තවත්,
කොතරම් නම් උත්ප්‍රාසාත්මකද ඒ කියමන,
පෙට්ටියේ පැත්තෙන් කොටා ඇති,
ඉදිරියෙන්, අවවාදයයි!
: දුම් බීම හෘදයාබාධ ඇති කරයි!
පක තමයි...
දුම් වැටිය මට නම් හෘදයාන්ගමයි!!!
...
හුදකලා විට, සිතින් වැටුණු විට
කඳුළු දිය ඇලි මැදින්
දෙතොලතර රැඳි
මා වෙනුවෙන්, මගේ පපුව මෙන්,
පිච්චී පිච්චී අලු වී මියැදෙන නුඹේ දුම් මතින්
මා නගා සිටුවන සහෘදයා උඔයි!
සමහර විට,
ඒ හෘදයාන්ගම උඹ සහෘදයාම,
දවසක
මගේ හෘදය වස්තුවට,
පෙනහළු මලු දෙකට කෙලවයි...
කැටයම් කරපන් එවිට
මගේ tombstone එකේ
රජෙක් විලසින් ඉපදිලා,
වහලෙක්ව (සිගරට් වලට) මැරිලා ගිය
කාලකන්නියෙක් කියලා...
උඔට හිතෙයි මම මහා මෝඩයෙක් කියලා...
වෙන්න ඇති බන්,
අහලා නැද්ද උඹ මිනිස්සු විවිධාකාරයි කියලා!!!
හැමෝටම මොලේ නෑ,
තොට වගේ රත්තී බොන්න සල්ලි නෑ
(නුවණක්කාර අය ගන්නෙම රත්තී 😂😂😂)
😂😂😂
No comments:
Post a Comment